Një rast “i paprecedentë” ka ndodhur në Francë, ku një ish-anesteziolog nga Besançon është në gjyq për helmimin e dyshuar të 30 pacientëve, 12 prej të cilëve vdiqën gjatë operacionit, thanë prokurorët.
Pas një hetimi shtatëvjeçar, dy hetues nënshkruan sot urdhrin për të dënuar Fréneric Pessier, 52 vjeç, në Gjykatën Penale të Dube, tha prokurori publik Etienne Mandeau.
Pessier, i cili është deklaruar i pafajshëm, përballet me burgim të përjetshëm. Rasti doli në dritë kur një anesteziolog në një nga klinikat e qytetit informoi autoritetet për tre arreste kardiake “të pashpjegueshme” të pacientëve gjatë operacioneve. Besohet se midis 10 tetorit 2008 dhe 20 janarit 2017, Pessier kontaminoi serumin e pacientëve në dy klinika private në Besançon për t’i shkaktuar atyre arrest kardiak dhe për t’i ringjallur, duke demonstruar kështu aftësitë e tij. Në të njëjtën kohë, ai donte të prishte reputacionin e kolegëve të tij me të cilët kishte konflikte. Në shumicën e rasteve, ekspertët thanë se kishte “prova të forta” se doza të larta, madje edhe fatale, u jepeshin pacientëve që shkonin në dy klinikat për operacion. Shpesh, operacionet që bënin nuk ishin serioze.
“Rasti është i paprecedentë” dhe nuk po flasim për një rast eutanazie”, theksoi Etienne Mandeau. “Është diçka unike sepse qëllimi nuk ishte të lehtësoheshin pacientët që vuanin. Po flasim për njerëz që në shumicën e rasteve ishin në gjendje të mirë dhe do t’i nënshtroheshin operacioneve të vogla” dhe për këtë arsye jeta e tyre nuk ishte në rrezik”, shtoi ai.
Një pistë tjetër është se objektivi i të pandehurit nuk ishin vetë pacientët, por mjekët me të cilët Pessier kishte mosmarrëveshje, sqaroi prokurori.
“Ai ndërhyri kur kishte një problem dhe gjithmonë e gjente zgjidhjen”, thanë ish-kolegët e tij. “Ai besonte se ishte më i miri dhe kishte krijuar imazhin e shpëtimtarit”. Në rastet kur pacientët vdisnin, ai ishte në konflikt të hapur me kolegët e tij që po humbisnin pacientin.
Gjatë hetimeve shumëvjeçare, Pessier-it iu ndalua të punonte si anestezist dhe u urdhërua të largohej nga Besançon.
Discussion about this post