Gjykata e Elbasanit ka dhënë masën për dy mjekët e spitalit të Fierit, Juljan Malaj dhe Ermal Gjeçi si edhe për ndihmës mjekun Blendi Bërdalli që i dhanë ndihëm e parë Nuredin Dmunait, i cili u përfshi në një atentat me armë disa ditë më parë dhe mbeti i plagosur.
Mësohet se, për Malajn është caktuar masa ‘detyrim paraqitje’ ndërsa, për dy të tjerët ‘arrest shtëpie’. Ata akuzohen se nuk njoftuan policinë e Fierit për gjendjen e tij të plagosur me armë zjarri.
Gjatë dy ditëve të fundit gjykata i ka komunikuar masën e sigurisë ‘arrest me burg’ Nuredin Dumanit në spitalin e Traumës si dhe ndihmësit të tij, 40-vjeçarit Henrik Hoxha. Ndërsa për 20-vjeçaren nga Kosova, të dashurën e Dumanit, Gjykata vendosi ‘detyrim paraqitje’ dy herë në javë.
Discussion about this post