Mjeti del nga rruga në aksin Maqellarë-Peshkopi, tre persona të lënduar

Një aksident rrugor është regjistruar sot në rrugën Maqellarë-Peshkopi.

Burime nga terreni bëjnë me dije se nga aksidenti kanë mbetur të lënduar 3 persona.

Mësohet se 3 të lënduarit janë derguar me urgjencë në spitalin e Peshkopisë. Nuk dihen ende rrethanat e aksidentit.

Njoftimi i policisë

Rreth orës 09:40, në aksin rrugor Melan-Peshkopi, shtetasi Sh.H., 62 vjeç, duke drejtuar automjetin e tij, ka humbur kontrollin dhe automjeti ka dalë nga rruga. Për pasojë është lënduar jashtë rrezikut për jetën drejtuesi i mjetit dhe dy pasagjerë që udhëtonin me të, të cilët po marrin ndihmë mjekësore në spital.

Grupi hetimor po punon për zbardhjen e rrethanave dhe shkaqet e daljes së automjetit nga rruga.