Udhëheqësi i Koresë së Veriut, Kim Jong-un, i ka ndaluar gratë të veshin pantallona të shkurtra, duke i shpallur ato një modë të padëshirueshme kapitaliste. Megjithatë, i njëjti rregull nuk vlen për meshkujt.
Euroneës raporton se një burim anonim nga Koreja e Veriut tha se rreth 10 gra u arrestuan për veshjen e pantallonave të shkurtra.
“Duhej të firmosnin një dokument që thoshte se do të përballen me pasoja ligjore nëse do të kapeshin sërish me pantallona të shkurtra”, shpjegoi ai dhe tha se gratë po protestojnë sepse qeveria i diskriminon.
Ndalimi i veshjes së pantallonave të shkurtra është një pjesë e re e ligjit të miratuar në vitin 2020. Më herët në gusht, u raportuar se ndalimi i pirjes së duhanit në publik ishte i kufizuar vetëm për gratë.
Vetë Kim Jong-un njihet si duhanpirës, por ky fakt nuk e ka penguar atë të vendosë gjoba për banoret femra.
Ndalimi i pantallonave të shkurtra nuk është gjithashtu ndalimi i parë i veshjeve që vendoset në Korenë e Veriut kohët e fundit. Vitin e kaluar, grave iu ndalua të vishnin pantallona të ngushta dhe të lyenin flokët.
Gratë që mbanin pantallona të ngushta quheshin “delikuente kapitaliste” dhe akuzoheshin për veshje të pahijshme.
Discussion about this post