Modelja shqiptare Jori Delli ka shprehur hapur simpatinë për aktorin Donald Veshaj, gjatë kohës që ai ishte në spektaklin “Big Brother VIP”. Vajza që ka një emër në Itali, tha në emisionin “Top Arena” se Donaldi ishte shumë i mirë.
“Beniada më pëlqente. Donaldi ishte shumë i mirë. Pardje e kam takuar pas skenave të Dancing With the Stars. Ishte me Borën, bënte bodigardin”, tha modelja me humor.
Jori tregoi dhe një emër tjetër të showbizz-it që e pëlqen. Bëhet fjalë për këngëtarin Butrint Imeri për të cilin tha se do donte t’i këndonte çdo ditë. E pyetur nëse do merrte pjesë në Big Brother ajo tha se do ta vlerësonte.
“Unë ndoqa Beniadën dhe më bënte përshtypje kur gabonte emrin e Butrintit. Unë nuk e njihja, e gugëllova dhe thashë nuk është keq ky Butrinti. Nuk e njoh, por do ishte skenë e bukur. Do i thosha hajde më këndo me vrap çdo mëngjes”, tha ajo.
Discussion about this post