Megjithëse nuk kemi një datë zyrtare, burime të shumta kanë bërë me dije në rrjet se edicioni i dytë i “Big Brother VIP” starton mbrëmjen e 25 dhjetorit.
E teksa dita-ditës jemi duke iu afruar datës së startimit, aludimet se kush do të jenë personazhet që do t’i bashkohen shtëpisë më të famshme dhe mundësisë për të fituar 100 mijë euro, vazhdojnë të shtohen.
Së fundmi, është zbuluar një tjetër personazh që pritet t’i bashkohet “Big Brother VIP”.
Bëhet fjalë për Roza Latin. Burime për “Panorama” kanë konfirmuar se moderatorja e njohur ka pranuar ftesën për të qenë pjesë e këtij emisioni.
Kujtojmë se Roza e mori ftesën edhe vitin e kaluar por e refuzoi për shkak të angazhimeve të shumta.
Përveç Roza Latit, është përfolur se personazhe të njohur si Albi Nako, Jori Delli dhe Kiara Tito gjithashtu do të jenë në “Big Brother VIP”.
Discussion about this post