Fjoralba Ponari është një nga moderatoret më të dashura për publikun shqiptar. Ajo është mjaft aktive në profilin e Instagram, ku herë pas here bën bashkëbisedim virtual me ndjekësit e saj.
E kështu ka bërë edhe së fundmi, ku fansat kanë qenë shumë kuriozë dhe i kanë bërë pyetje të shumta. Por jo vetëm kaq, pasi disa i kanë bërë komplimente të shumta.
Madje një ndjekës i ka shkruar: “Në sytë e ty shoh të ardhmen time” dhe moderatorja e njohur i ka kthyer një përgjigje epike.
“Ik kontrolli sytë dhe mendjen, se të paktën njëra nga të dyja po të bën numra”, i kthehet Ponari në Instastory.
Kujtojmë se, Fjoralba Ponari pak muaj më parë humbi nënën e saj. Moderatorja e njohur ka preferuar ta kalojë këtë periudhë të vështirë në privatësi duke mos ndarë asnjë detaj. Por pavarësisht kësaj, Fjoralba vendosi me kurajë të kthehej për të moderuar Portokalli-në edhe pak kohë pas fatkeqësisë.
Discussion about this post