Moderatorja e njohur dhe e dashur për publikun, Arbana Osmani këtë periudhë ka vendosur t’i dedikohet plotësisht vetes dhe dëshirave të saj. Moderatorja prej disa ditësh ka vizituar Shtetet e Bashkuara të Amerikës, së bashku me bashkëshortin e saj Eduart Grishajn. Mirëpo çifti mesa duket do të zhvillojë një tur udhëtimesh.
Këtë herë, së bashku me familjen e saj Arbana ka zgjedhur ishujt grek Mykonos për të vazhduar turin e saj të pushimeve. Edhe për këtë udhëtim Osmani i ka mbajtur të informuar ndjekësit, duke postuar shpesh foto e video në rrjetin e saj social Instagram, ku gjithmonë është shumë aktive.
Ndërkohë, krahas fotografive që ka publikuar moderatorja ka shkruar komentin epik.
“Në Mykonos me “djemtë” e mi.”
Nga ana tjetër, kujtojmë se çifti i njohur i shoëbizit shqiptar janë në pritje të fëmijës së tyre të dytë. Ndonëse moderatorja është në tremujorin e dytë të shtatzënisë deri tani nuk e ka zbuluar gjininë e fëmijës që po presin por në media aludohet se do bëhen me vajzë. Në 2020 ata mirëpritën në jetë djalin e tyre të quajtur Diell. Teksa Arbana ka edhe një djalë më të madh nga martesa e saj e parë.
Sa i përket planeve për tu rikthyer në ekran, prezantuesja ka treguar se nuk ka asnjë plan dhe se do e shohim vetëm në fund të dhjetorit kur pritet të fillojë sezoni i dytë i “Big Brother VIP 2”.
View this post on Instagram
Discussion about this post