Ekrani ka nevojë për vajza të bukura jo për pleq. Kështu është shprehur Alberta Kamenica, një nga ish-vajzat e “Hostel by Anabel”. E ftuar në “Ora Verore” në Ora Neës, Kamenica tha se ajo ka nevojë për argëtim.
“Unë nuk e shikoj si gjë negative jetë. E shoh si vlerë të shtuar, sepse televizioni pa ato do ishte i mërzitshëm. Unë kam nevojë të shoh një vajzë të bukur, që thotë gjëra interesante. Nuk është nevoja të dëgjoj dy burra pleq që kanë 30 vjet në televizion, që flasin për një gjë të parëndësishme. Dua argëtim. Vajzat e reja bukuroshe, të hedhura mendoj se i japin vlerë televizionit. E bëjnë më interesant. Po është xhelozi se mendojnë se janë si ajo, dhe unë mund ta bëja. Por duhet të kuptosh se nuk mund ta bësh. Lëre atë ta bëjë”, tha ajo.
Kuriozë jemi për mendimin e vajzës për kohën kur ajo vetë do të plaket. A do të pranojë të zëvendësohet si mall konsumi me datë skadence?!
