Kroacia dhe Holanda, luajnë sonte, në orën 20:45, takimin e parë gjysmëfinal të Ligës së Kombeve 2023. Në prag të kësaj sfide, foli për mediat, futbollisti më i mirë i Kroacisë dhe kapiteni i kësaj kombëtareje, Luka Modriç.
Modriç, detyrua t’u përgjigjej shumë pyetjeve, për ndeshjen ndaj portokallinjve por edhe në lidhje me të ardhmen e tij në Madrid.
“Sa për Realin e Madridit, i kam thënë të gjitha shumë herë dhe nuk do të doja ta përsërisja”, ka saktësuar mesfushori 37-vjeçar.
Mediat spanjolle kanë raportuar se Modriç ka refuzuar 80 milionë euro në sezon nga Arabia Saudite për të vijuar në Madrid. Më tej në konferencë, Modriç ka folur dhe për gjysmëfinalen e Ligës së Kombeve kundër Holandës.
“Fokusi im është te kombëtarja. Mendja ime është te ndeshja kundër Holandës. Duam finalen. Kur të ketë mbaruar Liga e Kombeve do të flas për Realin”.
Discussion about this post