Këngtarja Eli Fara ka arritur që të jetë sërish në qendër të vëmendjes së mediave, për të njëjtën arsye, marrjen e shumave të majme parash nga taksapaguesit shqiptarë. Vetëm pak ditë pasi këngëtarja mohoi të kishte qenë ndonjëherë drejtoreshë në ndonjë ministri, këtë herë është kapur me fakte për pagesat e marra nga Bashkia Tiranë për aktivitete që nuk u zhvilluan kurrë.
Gazetari Arben Rrozhani në një shkrim oër gazetën Shekulli, përmend edhe emrin e Farës, për të cilën shkruan se më 21 tetor Thesari i Shtetit ka disbuar në llogarinë e Eli Farës 1.596.000 lekë, për një projekt kulturor të miratuar më 1 shtator 2020, me shumën mbi 1.8 milionë lekë për koncertin “Një kafe në Tiranë”, që nuk u dha askund, as në Korçë ku duhej të ishte si aktivitet.
Këto para u dershën në llogarinë e Farës vetëm pak ditë pasi ajo u shfaq publikisht krah Veliajt, më 8 tetor 2020, në Asamblemë Socialiste që u zhvillua në Njësisë 5. Fara falenderoi Veliajn për atë që ka bërë për vendin pasi sipas saj, ai e ka transformuar Tiranën, ndërsa Thesari i Shtetit u kujdes ta shpërblente për fjalët e mira.
“Këtu jam sepse jam për njerëzit që punojnë. Për njerëzit që punojnë edhe në i paç kundërshtarë duhet t’ju thuash faleminderit. Dua të falenderoj kryetarin e Bashkisë së Tiranës Erionin, veçanërisht për kontributin që ka dhënë edhe për artistët përveçse Tirana shkëlqen, shndrin. A është Liqeni më i bukur se çka qene?! Shumë, si nata me ditën,”- thoshte këngëtarja.
