Partia Demokratike ka reaguar në lidhje me deklaratën e ish-kryeministrit Sali Berisha, ku ky i fundit pas dëshmisë që dha në Prokurorinë e Tiranës për protestën e 8 janarit, ndër të tjera ka mohur që në protestë ka pasur “tra” për hapjen e dyerve.
Për të rrëzuar atë që tha Berisha, Selia blu ka shpërndarë një video ku shkruan se mashtruesi kronik, sërish sot u mundua të gënjejë shqiptarët për atë që e gjithë bota e pa. Sipas PD, nuk është diçka e re, pasi që prej 9 shtatorit Sali Berisha veç ka gënjyer e mashtruar për hallin e tij të madh, për dosjen e tij “non grata”.
“Mashtruesi kronik, sërish sot u mundua të gënjejë shqiptarët për atë që e gjithë bota e pa, dhunën e planifikuar dhe urdhëruar nga Sali Berisha. Por nuk është diçka e re, pasi që prej 9 shtatorit Sali Berisha veç ka gënjyer e mashtruar për hallin e tij të madh, për dosjen e tij “non grata”. Mashtrimet dhe gënjeshtrat e Berishës morën fund ditën në të cilën ai dështoi të merrte me vete në fatin e tij të zi Partinë Demokratike!” – thuhet në reagimin e PD.
Discussion about this post