Kryetari i Partisë Socialdemokrate, Dardan Molliqaj, ka thënë se protesta që u mbajt këtë të shtunë kundër mospërfshirjes së veteranëve në Ligjin për pagën minimale, është e para.
Në një postim në Facebook, ai ka shkruar se Qeveria Kurti nuk ua ka borxh fyerjet e poshtërimin veteranëve.
“Shtrëngova dorën e shumë veteranëve që kishin bërë rrugë të gjatë për këtë protestë. Ata kanë halle dhe janë me të drejtë të indinjuar. Nuk ua ka borxh kjo qeveri fyerjet e poshtërimin me ligje të padrejta e deklarata nënçmuese”, ka shkruar Molliqaj.
I pari i PSD-së tutje ka thënë se arroganca e pushtetit duhet të përballet me rezistencë qytetare.
“Dje ishin mësimdhënësit, sot janë veteranët, nesër mund të jeni secili nga ju targeti i radhës i pushtetit. Andaj të bashkohemi për ta penguar këtë qeveri të rrezikshme”, ka përfunduar ai.
Discussion about this post