Ylli i West Ham dhe Ukrainës, Andriy Yarmolenko u pushtua nga emocionet pasi shënoi golin e hapjes në fitoren 2-1 të skuadrës së tij ndaj Aston Villa në Premier League angleze të dielën.
Sulmuesi nuk ishte paraqitur për West Ham për më shumë se një muaj dhe u shpreh për Sky Sports pas ndeshjes se ishte e pamundur të stërvitej me ekipin në ditët pasi Rusia filloi pushtimin e vendit të tij.
“Unë po mendoja vetëm për familjen dhe njerëzit e mi”, tha Yarmolenko për Sky Sports pas ndeshjes së së dielës. Thjesht u përpoqa të jap gjithçka në fushë”.
Nga ana tjetër, futbollisti ukrainas shtoi se situata ishte emocionuese për shkak edhe të ngjarjeve të fundit nga ukraina.
“Ishte kaq emocionuese për mua për shkak të situatës në vendin tim,” shtoi ai. “Është shumë e vështirë për mua tani në këtë moment të mendoj për futbollin sepse, çdo ditë, ushtria ruse po vret popullin ukrainas”.
Së fundmi, 32-vjeçari u prit me duartrokitje nga të dy grupet e tifozëve kur hyri si zëvendësues në pjesën e dytë. Një numër i flamujve të Ukrainës ishin të dukshëm në tribuna gjatë lojës, ndërsa relike të West Ham me ngjyra ukrainase shiteshin jashtë stadiumit para ndeshjes.
Discussion about this post