Holanda ka mundur 4:0 Hungarinë në Amsterdam në ndeshjen e xhiros së pestë të grupit 3 të Ligës së Kombeve.
Megjithatë, futbolli nuk ishte në plan të parë në këtë sfidë.
Ndeshja filloi në orën 20:45 dhe vetëm shtatë minuta pas fillimit, Adam Szalai, ish-sulmuesi dhe tani anëtar i grupit të trajnerëve të kombëtares hungareze të futbollit, ra në tokë.
Jozyrtarisht thuhet se bëhet fjalë për atak kardiak apo atak epileptik.
Shërbimet mjekësore mbërritën menjëherë, lojtarët dhe anëtarët e stafit rrethuan Szalai pasi kamerat kapën këmbën e tij duke u dridhur.
Mediat holandeze njoftuan se ishte e nevojshme ‘ringjallja’ e tij. Më pas ai u rrethua nga një çarçaf i bardhë mjekësor, pas së cilës u transportua me barelë në dhomën e zhveshjes, ku sipas informacioneve të NOS holandeze, atij iu dha ndihma për rreth 20 minuta.
Me të rikthyer vetëdijen është dërguar me ambulancë në spital. Federata hungareze ka njoftuar në rrjetet sociale se gjendja e legjendës hungareze tanimë është e qëndrueshme.
“Adam Szalai u sëmur në minutat e para të ndeshjes Holandë-Hungari, por gjendja e tij është e qëndrueshme dhe është i vetëdijshëm. Pak minuta më parë ai u dërgua me ambulancë në një spital të Amsterdamit për ekzaminim”, thuhej në njoftimin e kombëtares hungareze.
Ish lojtari më vonë ka bërë një postim në Instagram ku ka shkruar shkurt: “Jam mirë”.
Ádám Szalai is stable and conscious and has been taken to the hospital, the Hungary national team announced.
Szlai, an assistant coach for the Hungary national team, collapsed on the bench in the opening minutes of their match vs. the Netherlands. pic.twitter.com/EZau4hJovn
— ESPN FC (@ESPNFC) November 16, 2024
Discussion about this post