Momente tmerri për lojtarët e kombëtares, u bie të fikët në avion

Momente terrori përjetuan lojtarët dhe stafi i Gambisë në udhëtimin e tyre në Bregun e Fildishtë përpara fillimit të Kupës së Afrikës.

Sipas një gazetari nga Senegali, 9 minuta pasi u ngrit avioni i ekipit afrikan, disa nga futbollistët humbën ndjenjat, gjë që shkaktoi terror dhe shqetësim të madh.

Siç raportohet, përmasat e vogla të avionit çuan në mungesë oksigjeni brenda kabinës, duke rezultuar që shumë nga lojtarët të humbnin vetëdijen vetëm disa çaste pas nisjes.

Menjëherë është dhënë urdhri për t’u kthyer në aeroport dhe për të ulur avionin në mënyrë që të  gjithë të marrin ndihmën e parë.

Federata e vendit ka nisur tashmë një hetim, pasi beson se përveç përmasave të avionit, ka pasur edhe arsye të tjera që kanë çuar në këtë problem të madh.

Anëtarët e ekipit dhe trajneri Tom Saintfiet bënë një përshkrim rrëqethës për situatën e ndodhur.

“Ne të gjithë mund të kishim vdekur. Të gjithë na zuri gjumi shpejt, edhe mua. Kam pasur ëndrra të shkurtra se si mbaroi jeta ime. Pas nëntë minutash, piloti vendosi të kthehej sepse nuk kishte furnizim me oksigjen. Disa lojtarë nuk u zgjuan menjëherë pas uljes. Ne pothuajse morëm helmim nga monoksidi i karbonit. Edhe gjysmë ore fluturim dhe të gjithë ne do të kishim vdekur.

Unë jam i gatshëm të vdes në fushën e futbollit, por jo jashtë saj”, është shprehur trajneri i kombëtares së Gambisë

🇬🇲Team Gambia chartered flight to Cote D’Ivoire was forced to return to Banjul International Airport, due to technical issues which were reportedly detected 9 minutes after take off.

The team is returning to their base, as they await further instructions. [via:@Kerrfatou] pic.twitter.com/7eu1ciRQ6t

— #AFCON2023-TheBACSports (@thebacsports) January 10, 2024