Momente tmerri për yllin e Milan, një grup hajdutësh i vjedhin mijëra euro, në shtëpi ndodhej bashkëshortja e djali i tij

Theo Hernandes ka përjetuar momente ankthi mbrëmjen e djeshme. Sipas asaj që raportohet nga mediat e huaja, një grup hajdutësh janë futur në shtëpinë e yllit të Milan rreth orës 21:00.

Sipas “Ansa.it”, Theo nuk ndodhej në shtëpinë në ato momente, por ishte e pranishme bashkëshortja e tij Zoe Cristofli dhe fëmija i tyre 6-muajsh, Theo Junior.

Raportohet se banda e hajdutëve u largua me mijëra euro nga vila në “Cassano Magnago”, në provincën e Varese, ndërsa policia tashmw po vijon hetimet duke iu referuar edhe pamjeve filmike.