Një nga ngjarjet më të rënda të shënuara në vendin tonë gjatë viteve të fundit është padyshim, aksidenti i frikshëm që i mori jetën 46 shqiptarëve.
Mediat turke kanë publikuar detaje nga vizita e tyre në Stamboll, ku pushuesit shqiptarë sipas tyre patën një agjendë tepër të ngjeshur në dy ditët që qëndruan atje, raporton abcneës.al.
“Sabah” i ka kushtuar një raportim të gjatë ngjarjes së rëndë duke marrë edhe dëshmitë e punonjësve të hotelit ku qëndruan shqiptarët për dy netë.
Autobusi me shqiptarët fatkeqe hyri në Bullgari nëpërmjet Turqisë në orën 21:00 të mbrëmjes së djeshme duke vijuar rrugën për në Shkup. Aksidenti ndodhi rreth orës 02:00 të mëngjesit të sotëm.
Punonjësit e hotelit ku qëndruan ata shprehen se grupi i shqiptarëve dolën mjaft të gëzuar nga ambientet e tyre në orët e para të paradites së djeshme djeshme pasi konsumuan mëngjesin. Ata shprehen se një natë më parë, shqiptarët kishin qëndruar deri vonë duke kërcyer dhe kënduar në ambientet e hotelit.
Mediat turke kanë publikuar edhe pamje nga momentet kur grupi i shqiptarëve hipën në njërin prej autobusëve të kompanisë “Besa Trans”.
Discussion about this post