Pas më shumë se 24 orësh, konkurrentja Einxhel Shkira ka dalë nga spitali Hygeia dhe është rikthyer në shtëpinë e Big Brother VIP Albania. Banorët e kanë mirëpritur moderatoren e cila mban krahun e fashuar.
Kujtojmë se ajo iu nënshtrua një operacioni që zgjati për disa orë, pas incidentit që ndodhi mbrëmjen e së enjtes. Ajo u rrëzua në tokë gjatë një loje me banorët. Menjëherë mbërriti ndihma e parë dhe në mëngjes, moderatorja u dërgua në spital. Pas operacionit, moderatorja pati mundësinë të lidhje live nga spitali, nga ku falenderoi banorët për mbështetjen që i dhanë.
Gjithashtu Einxhel komunikoi edhe me Dj Dagz që ndodhej në studio, i cili i shprehu dhe njëherë dashurinë. Para se të merrej vendimi për rikthimin e saj, Arbana gjatë transmetimit live kërkoi miratimin e banorëve për shkak të kujdesit që duhet të tregojnë ndaj saj.
Discussion about this post