Mbrëmja e eliminimit të Jozit nga shtëpia e famshme u kthye në një moment të papritur dhe dramatik, kur teksa po përshëndeste banorët, ajo goditi me shuplakë Gjestin, duke e rrëzuar përtokë.
Incidenti i dhunshëm la të gjithë të shokuar, ndërsa Gjesti u detyrua të marrë ndihmë mjekësore jashtë shtëpisë.
Pas rikthimit të tij, atmosfera ndryshoi krejtësisht. Finalistët Rozana, Egli dhe Laerti e pritën me brohorima dhe përqafime.
Egli ishte e para që i doli përpara dhe e përqafoi me ngrohtësi, ndërsa Rozana brohoriti me entuziazëm: “Finalistët!” duke treguar se tashmë grupi ishte i plotë dhe Egli ishte e fundit që i bashkohej finales.
Interesant ishte fakti që Gjesti nuk e dinte për hyrjen e Eglit në finale, pasi ndodhej jashtë për trajtim mjekësor.
Ndërkohë, sjellja e Rozanës ngjalli diskutime – ndryshe nga momenti kur ndodhi incidenti me Jozin, ku ajo nuk reagoi dhe qëndroi e ftohtë, kësaj here ajo nuk përmbajti emocionet dhe kërkonte me çdo kusht të përqafonte Gjestin.
Nga ana tjetër, Laerti e mori Gjestin në krah në një festë simbolike për të shënuar përmbylljen e rrugëtimit dhe hyrjen në finalen e madhe.
Discussion about this post