Një person është dhunuar me sende të forta një ditë më parë pranë një kompleksi pallatesh në zonën e ish sheshit ‘Shqiponja’.
I dhunuari është identifikuar si Adriatik Roshi i cili ka qenë pranë një njësie biznesi në momentin që është sulmuar nga disa persona të cilët e kanë goditur me sende të forta.
Janë 4 veta të maskuar ndërsa persona të tjerë mësohet se kanë shërbyer si vëzhgues.
Gani Koçeku dhe Ledio Tusha, janë të arrestuar në këtë ngjarje të cilët kanë shërbyer si vëzhgues duke përdorur një BMWX3.
Ndërsa katër personat e tjerë janë Ronald Koçeku, Luçiano Koçeku, Dino Koçeku dhe Gëzim Koçeku, të cilët janë shpallur në kërkim.
Pamjet filmike tregojnë momentin kur janë larguar 4 personat që kanë ushtruar dhunë fizike duke përdorur leva, çekiçë dhe sende të tjera të forta.
I plagosuri vijon të jetë ende në spital ku po mer mjekim.
Ngjarja e ka zanafillën në konfliktin dhe përplasjen fizike mes grupit të Artur Koçekut dhe grupit të Fatmir Bejos.
Ky konflikt ndodhi në fund të muajit Gusht 2024 në kompleksin “Green Coast”, ku pas sherit Artur Koçeku refuzoi të bëjë kallëzim penal në prokurorinë e Vlorës.
Discussion about this post