Policia ka publikuar pamjet kur ka vënë në pranga, Esmerald Ballën, 30-vjeçarin, i cili vrau me pistoletë babain e tij dhe më pas e hodhi në një pus. Për të fshehur krimin e rëndë, të ndodhur 20 ditë më parë, por që u zbulua sot (4 shtator), ai ka shkuar në polici dhe ka denoncuar se babai i tij është larguar me një shtetase të panjohur.
Gjithashtu, Esmerald Balla ka deklaruar se dyshonte se kjo shtetase mund ta kishte vrarë babanë e tij dhe se 62-vjeçari nuk kishte arsye që të largohej nga banesa.
“Djali tjetër i Enver Ballës, shtetasi A. B., pasi është njoftuar se babai ishte larguar nga banesa, është kthyer nga Italia dhe ka kallëzuar në Polici, se në rrjetin social Instagram, i ka shkuar një mesazh, nga një shtetase e panjohur prej tij. Në mesazh thuhej që familjarët të mos e kërkonin 62-vjeçarin, pasi ai ishte larguar me pushime”, thote policia.
Pas këtyre fakteve policia thotë se i lindën dyshime se kishin të bënin me një krim brenda familjes. Konflikti mes djalit dhe babait kishte te bente per nje shume parash prej 7.5 milione lekesh, kursime familjare.
“Si rezultat i veprimeve intensive u bë e mundur zbardhja e ngjarjes, kapja dhe arrestimi i djalit të shtetasit E. B., konkretisht shtetasi E. B., 30 vjeç, i cili ka pranuar autorësinë e këtij krimi, pas një konflikti që kishte me babanë për një shumë lekësh (7 500 000 lekë të rinj, kursime të përbashkëta familjare) që dyshonte se ia kishte vjedhur 62-vjeçari”, thuhet ne njoftim.
gijotina.com/
Discussion about this post