Bota u trondit sot nga një lajm i hidhur, ndarja nga jeta e mbretëreshës Elisabetë II. Mbretëresha ndërroi jetë në moshën 96-vjeçare në kështjellën e Balmoral, vendi i saj i preferuar.
Familja mbretërore ka shpërndarë në Twitter njoftimin në lidhje me ndarjen nga jeta të mbretëreshës.
“Mbretëresha vdiq në paqe këtë pasdite. Djali i saj Charles, i cili tani është Mbreti, do të kthehet në Londër të premten”, thuhet në njoftim.
Mbretëresha ishte kryetare e shtetit të Britanisë së Madhe dhe 14 vendeve të tjera, duke përfshirë Australinë, Kanadanë dhe Xhamajkën. Elizabeth II u bë mbretëreshë pas vdekjes së babait të saj Mbretit George VI më 6 shkurt 1952. Ajo ka lënë pas katër fëmijët e saj, tetë nipër e mbesa dhe 12 stërnipër.
Kryeministrja e re e Mbretërisë së Bashkuar Liz Truss u nis për në pallat pasi mori vesh lajmin përmes një letre në parlament, kur ende gjendja e mbretëreshës ishte kritike.
Discussion about this post