Monika Kryemadhi ka dalë nga ambientet e Prokurorisë së Posaçme, pasi është marrë në pyetje prej orës 10 të paradites.
Kryemadhi: Isha për t’u përgjigjur rreth padisë së rreme që ka bërë Veliaj me suflerët, shërbëtorët e tij. Iu përgjigja të gjitha pyetjeve dhe në bazë të të dhënave të mia dhe ato që ka mbledhur SPAK, ballafaquam gjërat që kanë të bëjnë për akuzat që kanë ngritur. Besoj që e ezauruam aspektin e pyetjeve dhe të përgjigjeve, e firmosa me vetëdije të plotë duke marrë përgjegjësitë e mia si qytetare, deputete, bashkëshorte, nënë.
Isha në cilësinë e personit që ka dijeni. Në padinë e dorëzuar në SPAK nga dy ushtarët e bindur të Veliajt, është paditur nëna ime, vëllai dhe fëmijët e mi.
Vazhdoj t’i qëndroj çdo deklarate time të lidhur me reformën në drejtësi. Nuk e sfidoj as sistemin e drejtësisë, as sistemin ku ne jetojmë dhe punojmë, pavarësisht problematikave që kemi,. Nëse do sfidoja nuk do isha nga deputete e pakta që ka dorëzuar në SPAK 6 padi për inceneratorin apo ndërtimit pa leje të inerteve në lidhje me inceneratorin. Të gjithë kemi ndasitë dhe qëndrimet tona. Lufta ime është betejë politike, as me prokurorët. Ata do bëjnë punë e tyre, unë jam një e paditur nga Veliaj. Ndaheni me Ilir Metën për sulmet ndaj SPAK? Ndahemi, tha Kryemadhi.
Botox dhe ndërhyrje estetike?
Lobimi, hetimi pasuror dhe operacionet plastike janë në një çështje. Dua të them që nuk kam bërë ndërhyrje estetike. Çdo grua që mirëmbahet dhe që kërkon korrekte me imazhin e saj, nuk është ndërhyrje estetike. Ndërhyrje estetike do të thotë të ndryshosh shumë gjëra.
Botox kam bërë si të gjitha gratë.
Në çfarë cilësie u pyetët?
Isha në cilësinë e personit në dijeni.
Telefoni?
Le ta mbajnë se s’ka ndonjë gjë në celularin tim. Kam vetëm fjalë të bukura në celularin tim.
Discussion about this post