As këtë mbrëmje nuk kanë munguar surprizat nga “Vëllai i Madh” për banorët VIP. Një surprizë e këndshme ka mbërritur në dyert e shtëpisë më të famshme për Monikën, pasi e ftuar ishte vajza e saj Tea.
Me sportivitet, vajza i tha si ia punoi të gjithë familjarëve pa ju treguar asgjë se do të bëhej pjesë e “Big Brother Vip”, duke i shprehur të gjithë mbështetjen për eksperiencën e saj në këtë reality shoë.
“Nëna më tha që nuk u habit se ti përherë i bën këto. Të gjithë shokët dhe shoqet e mia vdesin për ty. Të gjithë njerëzit e tu të dashur po të ndjekin dhe janë shumë dakord me ty. Ti u fute si u fute, tani që e bëre fakt të kryer ne jemi “Team Monika””, i tha e bija Monikës.
Më herët, Monika Lubonja ka zbuluar detaje nga jeta e saj, të cilat i ka rrëfyer brenda shtëpisë së “BBV”.
“13 prill 1968 Zoti më dërgoi dy engjëj të mrekullueshëm që ishin prindërit e mi. Tek babi gjej Monikën, kam marrë rebelizmin, drejtësinë dhe të bëj atë që do Monika. Mamaja ime është një tjetër heroinë. Në klasën e parë në vitin 1974 prindërit e mi u transferuan në Librazhd sepse babai rebelonte ndaj sistemit. Vuri për herë të parë dializën. Kam qenë natyrë rebele. Kam prerë kabllot e lagjes se mësueset merrnin mamin në telefon se kisha marrë 2 katra. Kisha ëndërr të bëhesha aktore edhe pse mami s’ma ka aprovuar. Filloi ëndrra ime, fitoj Institutin e Arteve, ku jeta ime pësoi një ndryshim të madh. Një ditë shof nënën time që më del para më thotë që babanë e kanë arrestuar, mendova fundin tim. E pashë me duart e lidhura. Ktheu gjithë botën përmbys duke thënë që Monika nuk kishte faj. Më pas ndodhi puthja, edhe pse nuk ishte në skenar, thyerje tabush. Filluan filmat. Nuk deshëm që Tea të ndahej me të atin. Jeta ime ka qenë rënie, maja. Nëse ndonjë ditë doja t’i kërkoja falje Teas, është se ajo u bë nënë për mua. Vajti në Gjermani, ajo e përballoi, por unë ngela prapë vetëm. Më iku forca ime por nuk e di se sa e lumtur jam që Tea ka arritur maksimumin aty ku është”, tha Monika.
