Deputeti socialist Erion Braçe nuk i ka kursyer kritikat dhe sulet e ashpra ndaj ish-kryeministrit Sali Berisha duke e bërë fajtor për privatizimin e KESH dhe Alb Petrol.
Nga Foltorja e Kuvendit, Braçe i kërkoi Berishës të mbyllë gojën dhe të mos flasë për rritjes e naftës pas privatizimit që ai i bëri Alb Petrolit duke e konsideruar si dështim.
“Qepeni fare! Kur shoh këtu Sali Berishën po vij me një fjalë tjetër. Kur ke bërë vetëm keq dhe nuk pendohesh, duhet ta qepësh. Privatizimi i KESH është një nga vendimet më të gabuara. Duhet ta qepësh fare! Marrëveshjet i nënshkruar vetë në dëm të interesit publik. Të ndryshosh sistemin fiskal, e ke bërë vetë ndaj duhet ta qepësh. Privatizimin e Alb Petrolin e shite si sukses, por more lesh. Në fakt more, por tek fondacioni i asaj si blerje pikturash. Duhet ta qepësh, natyrisht për shkak dhe të atyre që dëgjova paradite, kriza është e qartë edhe nga pandemia. Shtetet më të mëdha morën paketa të fuqishme për të reaguar, Putin iu kundërvu botës së lirë, ka qenë ironi e madhe të diskutonim dhe qindarkat por në krahun tjetër nuk jemi në gjendje të paguajmë kostot për liri”, tha Braçe.
Discussion about this post