Kandidatja për deputete nga Partia Demokratike, Ina Zhupa, ka denoncuar gjendjen e stadiumit të lojrave me dorë, duke e quajtur atë një rrezik për jetën e fëmijëve.
Në një postim në Facebook, Zhupa u shpreh se stadiumi është inauguruar 8-9 muaj më parë, por është lënë si një kantier i braktisur.
Ajo publikoi pamje ku duken kabuj tensioni të lartë të lënë në tokë dhe mungesë sigurie për fëmijët. Sipas saj, disniveli i terrenit përbën rrezik real dhe, sipas banorëve, në këtë zonë kanë humbur jetën shumë fëmijë.
Zhupa akuzoi qeverinë për propagandë boshe dhe shpërdorim fondesh publike, ndërsa socialistët, sipas saj, zhvillojnë takime aty për fushatë. “Votojmë ndryshimin më 11 maj”, përfundoi ajo.
Postimi plotë:
Jemi tek një nga “sukseset” e rilindjes, ndaluam këtu tek stadiumi i lojrave me dorë.
Stadiumi ka nja 8-9 muaj që është inaguruar dhe praktikisht është një rrezik për të gjithë ata që vijnë këtu.
Shikoni këtu, ky është kabulli i tensionit të lartë i cili varet nga fillimi atje, shkon në tokë, vazhdon totalisht i lirë.Dhe këtu lozin fëmijët, fëmijë të vegjel, është i pa rrethuar si stadium.
Këtu do të shikoni një disnivel që ka me pjesën poshtë dhe do të kuptoni rrezikun dhe historitë që na tregojnë banorët që këtu janë vrarë shumë fëmijë ndërkohë!
Ja këto janë telat, shikojeni!
Kjo është mbrojtja që i kanë garantuar dhe fëmijët që lozin këtu, shumë kollaj bien në disnivelin edhe dëmtohen.Kjo është si një gërmadhë e madhe por milionat janë marrë është shitur si investim, biles vijnë dhe kandidat socialist edhe bëjnë takime.
Këtu ama janë kujtuar që të na tregojnë që duhet të ruajmë veten dhe shokun.Pra e kanë lënë si kantier ndërkohë e kanë inaguruar.
Këto janë “sukseset” e rilindjes të cilat do të marrin përgjigjen e merituar me 11 Maj.
Votojmë ndryshimin!
VOTOJMË NUMRIN 1!
Discussion about this post