Pak pasi publikuan e-maile të rëndësishme të Ministrisë së Jashtme, grupi i hakerave homelandjustice paralajmëron se do të bëjë publike materiale me kontent që nxjerr në pah skandale të qeverisë shqiptare. Sipas njoftimit, këto materiale do të publikohen në datë 10, pra ditën e sotme.
“E mërkurë: Qeveria e Shqipërisë bën gjithçka që korrupsioni i tyre të mos ekspozohet. Së shpejti do të jeni dëshmitarë të surprizave të jashtëzakonshme nga ana jonë…”, thuhet në njoftimin që është shoqëruar me një timetable.
Dhe pikërisht ora që ecën tregon se kanë mbetur edhe 25 minuta nga ekspozimi i surprizës që grupi i hakerave ka parashikuar të zbulojë sot për shqiptarët.
Sjellim në kujtesë që në faqen homelandjustice.ru u publikuan e-maile të ambasadave të Shqipërisë në Shkup, Athinë dhe Moskë, duke njoftuar në faqen e tyre se është Ministria e Jashtme “zgjedhja e popullit në sondazhe” për t’i bërë publik databazën që e disponojnë pas sulmit kibernetik të ditëve më parë.
Discussion about this post