Një futbollist italian ka përfunduar në qendër të akuzave për baste sportive. Bëhet fjalë për 33-vjeçarin Nikola Belomo, i cili është pjesë e skuadrës së Barit, që militon në Serinë B.
Lojtari u ndëshkua me karton të kuq në minutën e 33-të të pjesës së dytë të ndeshjes së Play-Out-it ndaj Ternanës.
Belomo nuk ishte në fushë dhe u ndëshkua pasi nisi një sherr me një prej fëmijëve që mbledhin topat në vijën anësore të fushës.
Mediat italianë raportojnë se në atë ndeshje u vu re një fluks bastesh të luajtura që Belomo do të ndëshkohej me kartonë të kuq.
Kësisoj Prokuroria ka nisur hetimet ndaj lojtarit në fjalë që në rast se i vërtetohen akuzat, atëherë rrezikon një dënim shembullor.
Prokurori federal Xhuzepe Çine do të hetojë me Agjencinë e Doganave dhe Monopoleve për të konstatuar plotësisht faktet.
Discussion about this post