Këngëtarja e njohur Adele është përfolur shumë për rënien drastike në peshë, e cila mahniti botën për ndryshimin rrënjësor që solli në pamjen e saj fizike.
Së fundmi, ajo ka dhënë një intervistë për kopertinën e numrit të nëntorit të American Vogue duke treguar se fansat e saj u shokuan kur panë rezultatet e stërvitjes në momentin që ajo postoi në llogarinë e saj në Instagram një foto ku dukej ndryshimi rrënjësor në trupin e saj në maj të 2020-tës. Sipas saj ata donin që ajo të ndante rrugëtimin me ta, por Adele u shpreh se këtë gje e ka bërë për veten.
Adele reagoi ashpër duke u ndjerë e lënduar nga komentet e tyre, sidomos të bëra nga gratë:
“Njerëzit u tronditën sepse nuk e ndava me ta procesin e ‘rrugëtimit’ tim. Ata janë mësuar me personat që tregojnë çdo moment tyrin në Instagram dhe shumë nga ata do të përfitonin nga kjo gjë duke reklamuar kompani të ndryshme të ushqimeve dietike. As nuk më interesonte kjo gjë. E bëra për veten time dhe për askënd tjetër. Pse duhet ta ndaja me të gjithë? Nuk më jepte ndonjë kënaqësi. Është trupi im.”
Adele pritet të publikojë së shpejti këngën e saj të re, “Easy On Me”, një projekt i cili vjen pas një pushimi të gjatë në karrierën e saj muzikore. Së fundmi, ajo është në një lidhje dashurie me agjentin e sporteve, Rich Paul pak kohë pas ndarjes nga ish-bashkëshorti i saj, Simon Konecki.
