Mori kredi me identitetin e një personi tjetër, arrestohet 28-vjeçari në Lezhë

Një 28 vjeçar në Lezhë ka rënë në pranga  pasi ka përdorur identitetin e dikujt tjetër për të marrë kredi në një bankë.

Policia bën me dije se në pranga ka rënë shtetasi me iniciale P.P., banues në fshatin Torovicë,  Lezhë., i cili akuzohet për veprat penale “Mashtrimi” dhe “Falsifikimi i dokumenteve”.

Ky shtetas ishte shpallur në kërkim policor nga DVP Shkodër, pasi shtetasi Gj.F., ka kallëzuar se shtetasi P.P., me anë të mashtrimit, ka përdorur identitetin e shtetasit Gj.F., për të marrë një shumë monetare pranë një institucioni kredi dhënës.

Ky shtetas iu dorëzua strukturave të DVP Shkodër, për veprime të mëtejshme.