Një roje burgu e plagosur po mbahet peng nga një i burgosur në një burg të sigurisë së lartë në Francë.
Dy roje burgu, një burrë dhe një grua, fillimisht u morën peng, tha ministria e drejtësisë të martën, por gardianja femër u lirua pas disa orësh.
Sipas mediave të huaja, roja burrë, i cili është ende duke u mbajtur peng, pësoi një dëmtim në syrin e tij të djathtë. Ministria tha se negociatat ishin duke u zhvilluar për të siguruar lirimin e pengut në burgun në Conde-sur-Sarthe, rreth 250 km në perëndim të Parisit.
Njësitë e sigurisë në burg ishin mobilizuar dhe forca shtesë ishin dërguar në burg, shtoi ministria. Pengmarrësi i dyshuar po vuante një dënim të gjatë për përdhunim dhe tentativë vrasjeje. I burgosuri, i cili ishte i armatosur me thikë, kishte bërë një numër kërkesash, përfshirë uljen e dënimit. Ai tha se ai nuk ishte në një listë të të burgosurve që kanë simpati radikale islamike.
