Një 27-vjeçar ka rënë në prangat e Policisë së Tiranës. Bëhet fjalë për Blerim Myftaraj, i cili ishte shpallur në kërkim nga Italia për trafikim të lëndëve narkotike dhe pjesëmarrje në një organizatë kriminale. I riu është arrestuar në Vlorë në lagjen “10 Korriku”. Sakaq, lidhur me ngjarjen Interpol Tirana dhe Policia e Romës po bashkëpunojnë për ekstradimin e tij.
“Specialistët e Seksionit për Hetimin e Narkotikëve, në vijim të operacioneve policore për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, si dhe si rezultat i shkëmbimit të vazhdueshëm të informacioneve ndërmjet Interpol Tiranës dhe Interpol Romës, organizuan dhe finalizuan operacionin policor të koduar “Purpose”.
Gjatë operacionit, u kap në lagjen “10 Korriku” dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar:
Gjykata e Firences i ka caktuar këtij shtetasi, masën e sigurisë “Arrest në burg”, për veprën penale “Pjesëmarrje në grup kriminal me qëllim trafikimin e narkotikëve”, sipas parashikimeve të Kodit Penal të Italisë.”
Discussion about this post