Mori ryshfet për tenderin, lihet në burg Joana Duro

Sekretarja e Ministrisë të Shëndetësisë Joana Duro dhe Laura Shteton janë lënë në burg gjatë ditës së sotme nga GJKKO. Duro dhe Shteto akuzohen se kanë marrë ryshfet 330 mijë lekë për një tender.

Në burg është lënë edhe specialistja e Nivelit të Lartë në Agjencinë e Ofrimit të Shërbimeve Publike të Integruara, Luara Shteto.

SPAK ka kërkuar masën ‘arrest me burg’ për dy zyrtarët që akuzohen për korrupsion në Shëndetësi dhe GJKKO e ka pranuar. Duro u arrestua bashkë me Sheton më 2 qershor 2023.

— dyshohet se sekretarja e Shëndetësisë mori ryshfet 330 mijë lekë për të favorizuar kompaninë  ‘DRICONS’ në një tender të hapur nga Ministria për supervizimin për rikonstruksionin e qendrave shëndetësore në Tiranë dhe Durrës.

Në agjencinë e prokurimit publik shihet se përkundër vlerës prej 805.872.23 lekë të vendosur si fond limit nga ministria për tenderin, kompania ka afruar 672.457.60 lekë.

Dy zyrtaret akuzohen për veprat penale:

“Korrupsioni pasiv i funksionarëve të lartë shtetërorë ose i të zgjedhurve vendorë” dhe

“Korrupsioni aktiv i funksionarëve të lartë shtetërorë ose të zgjedhurve vendorë”.

Hetimet e SPAK për korrupsionin me tenderin e Ministrinë e Shëndetësisë kanë çuar edhe në ndalimin edhe te administratorit të kompanisë, ‘DRICONS’, Vladimir Topi dhe inxhinierin Silvi Shehi, pasi ka dyshime se janë përfshirë në këtë rast.