Është zbardhur dëshmia Hysen Picit, shoferi i cili përplasi me makinë dy efektivë policie në Durrës mbrëmjen e 9 qershorit. Gjatë seancës së mbajtur ditën e sotme, ai ka deklaruar se gjithçka e bëri nga gjaknxehtësia dhe nga paniku, pasi kishte armë me vete. Ndaj tij u vendos masa e sigurisë “arrest me burg”.
“Më vjen shumë keq për gjithçka ndodhi. E di që bëra gabim që u futa kundravajtje, por s’kishte makina dhe mendova t’i bija shkurt. Në këtë moment më dolën policia përpara. Më kapi paniku sepse kisha armë me vete dhe tentova të largohesha me qëllim mos të më kapnin me pistoletë. Më vjen keq edhe për efektivin e lënduar, nuk doja ta godisja. Kam qenë vetëm në makinë”, ka deklaruar Pici.
Ndërkohë që Pici deklaron se ishte vetëm në makinë, burime bëjnë me dije se me të ndodhej Aldo Avdylaj. Ky i fundit akuzohet si i përfshirë në disa ngjarje kriminale.
Discussion about this post