Debatet mes deputetëve të opozitës dhe mazhorancës, janë kthyer në një situatë normale në Komisionet parlamentare. I fundit ishte ai mes ministres Ogerta Manastirliu dhe deputetes Albana Vokshi në Komisionin për Punën, Çështjet Sociale dhe Shëndetësinë ku ministrja po raportonte për buxhetin.
Shkak u bë kërkesa e deputeteve të opozitës për të treguar kriteret që janë përcaktuar në pikëzimin për ndihmën ekonomike.
Albana Vokshi: Ju lutem përse nuk bëni transparente pikëzimin për ndihmën ekonomike, vetëm përgjigju pyetjes.
Ogerta Manastirliu: Të flasësh realitetin mund të mos ju pëlqejnë, ju ndihmën ekonomike e kishit të barabartë me votën.
Albana Vokshi: Po bëheni qesharakë, na thuaj pikëzimin, po e përdorni për vota, patronazhistët.
Ogerta Manastirliu: Vendimi i qeverisë është në fletoren zyrtare. Nuk ka lidhje lavatriçe dhe frigorifer. Ju lutem zonja Duma mos bërtisni, se ju kam afër
Grida Duma: Atëherë përgjigju.
Ogerta Manastirliu: Unë do të përgjigjem për atë që di unë të përgjigjem. Duhet të jemi seriozë, të mos bëhemi qesharakë.
Albana Vokshi: Grida, Grida….
Ogerta Manastirliu: Të lutem se e kam me qytetarët dhe jo ty këtë informacion.
Më herët në Komision, Manastirliu deklaroi se spitali Memorial Rajonal Fier do të financohet me një fond shtesë, për t’i hapur rrugë një modeli të ri të autonomisë spitalore.
Discussion about this post