Pas tërheqjes së një pjesë të trupave ushtarake të Rusisë nga kufiri, ka reaguar Ukraina. Sipas ministrit të jashtëm ukrainas, Dmytro Kuleba, Rusia duhet të tërheqë të gjitha forcat e saj të mbetura nga kufiri i përbashkët i vendeve.
“Ne kemi një rregull: mos besoni atë që dëgjoni, besoni atë që shihni. Kur të shohim tërheqjen e trupave, atëherë ne do të besojmë se situata është qetësuar”, u tha ai gazetarëve pas lajmit se disa trupa po ktheheshin në bazë.
Ministri shtoi gjithashtu se rruga diplomatike që Ukraina po ndiqte me aleatët e saj do të parandalonte përshkallëzimin e mëtejshëm të situatës, ndërsa Rusia reagoi më herët duke e konsideruar 15 shkurtin si ditën e dështimit të propagandës së perëndimit.
Discussion about this post