Janë zbardhur bisedat e punonjësve të Call Centerit, të cilët u arrestuan sot në Tiranë pasi mashtronin shtetasit e huaj nëpërmjet investimit të bursave Forex, me qëllim për tu marrë paratë.
Në deklaratat e tyre, ata shihen se luajnë me klientët, duke vënë madje dhe afat se kur do ti shkruajnë për të arritur qëllimin e tyre final, posedimin e shumave monetare.
PËRGJIMET:
Danoci: Jemi në pritje
Diti 111: E ka lexu atë të sotmen ai **
Dori: Jo, jo
Diti 111: Ta lëmë nja 2 ditë njëherë se mos e bon kastile me i ul çmimin, se mos t’i interesonte nuk shkruante
Danoci: E lejmë
Në kërkim është shpallur pronari i këtij Call Centeri, ndërsa në pranga ka përfunduar tre persona. Administratori Doris Telhallari dhe 2 operatorët Eldjon Lleshi dhe Ergi Ali janë në pranga, ndërsa në kërkim është shpallur pronari Ardit Topalli. Call Center ishte në zonën e ish-Parkut, në rrugën rrugën ‘Frosina Plaku’ . Ato përdonin niptin e një kompanie ‘Dag it Solution’ me status pasiv në QKB. Dy operatorët së bashku me administratorin, telefononin shtetas të huaj, u prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex.
Discussion about this post