Glioblastoma, i njohur edhe si glioblastoma multiforme, është lloji më agresiv i tumorit të trurit.
Shenjat dhe simptomat e glioblastoma janë: dhimbje koke, të vjella, humbje të kujtesës, ndryshime të personalitetit dhe probleme neurologjike të lokalizuara.
Lloji i simptomave të prodhuara varet më shumë nga vendndodhja e tumorit sesa nga vetitë patologjike të tij. Tumori mund të fillojë të prodhojë simptoma shpejt, por herë pas here është një gjendje asimptomatike derisa të arrijë një madhësi të madhe.
Testet dhe procedurat e përdorura për të diagnostikuar glioblastoma përfshijnë:
Testi neurologjik. Gjatë një ekzaminimi neurologjik, mjeku do t’ju pyesë për shenjat dhe simptomat tuaja. Ai ose ajo mund të kontrollojë shikimin tuaj, dëgjimin, ekuilibrin, koordinimin, forcën dhe reflekset. Problemet në një ose më shumë nga këto zona mund të japin të dhëna për pjesën e trurit tuaj që mund të preket nga një tumor i trurit.
Testet imazherike. Testet imazherike ndihmojnë mjekun të përcaktojë vendndodhjen dhe madhësinë e tumorit tuaj të trurit. Rezonanca magnetike përdoret për të diagnostikuar tumoret e trurit dhe mund të përdoret së bashku me imazhe të specializuara që mund të përfshijnë CT skan.
Biopsia. Heqja e një mostre të indeve për testim, një biopsi mund të bëhet me një gjilpërë para operacionit ose gjatë operacionit për të hequr glioblastomën tuaj, në varësi të situatës tuaj të veçantë dhe vendndodhjes së tumorit tuaj. Mostra e indit të dyshimtë analizohet në një laborator për të përcaktuar llojet e qelizave dhe nivelin e tyre të agresivitetit.
Mundësitë e trajtimit të Glioblastoma përfshijnë:
Kirurgji për të hequr glioblastomën. Neurokirurgu do të kryeje ndërhyrjen kirurgjikale për të hequr glioblastoma. Qëllimi i ndërhyrjes është të hiqet sa më shumë tumor që të jetë e mundur, por për shkak se glioblastoma rritet në indin normal të trurit, heqja e plotë nuk është e mundur. Për këtë arsye, shumica e njerëzve që kryejnë ndërhyrjen, vazhdojnë me pas me trajtime shtesë për të eliminuar qelizat tumorale të mbetura.
Radioterapia. Radioterapia përdor rreze me energji të lartë, të tilla si rrezet X ose protonet, për të vrarë qelizat e kancerit. Gjatë radioterapisë, ju shtriheni në një platformë ndërsa makineria lëviz rreth jush, duke drejtuar pajisjen në pikat e përcaktuara në tru. Terapia me rrezatim zakonisht rekomandohet pas operacionit dhe mund të kombinohet me kimioterapi. Për njerëzit që nuk mund t’i nënshtrohen operacionit, radioterapia dhe kimioterapi mund të përdoren si një trajtim parësor.
Discussion about this post