Dje në mbrëmje nisi edicioni i dytë i spektaklit “Big Brother Albania VIP”. Brenda shtëpisë më të famshme në Shqipëri u futën 15 konkurrentë, të cilët synojnë tashmë finale dhe çmimin e madh.
Duket se gara mes njëri-tjetrit është ndjerë që në natën e parë, ku disa banorë janë bërë pjesë e diskutimeve në lidhje me mënyrën e bashkëjetesës në shtëpinë më të famshme në Shqipëri.
Luiz Ejlli dhe Mikela Pupa kanë qenë protagonistët e debatit. Këngëtari po tregonte se çdo banor duhet të mësohet me disa rregulla, teksa është ndërprerë nga ish-konkurrentja e Përputhen e cila e ka pyetur nëse i duket vetja si zot i shtëpisë.
Pjesë nga debati:
Luizi: “Funksionon. Me pak dhunë gjithçka funksionon”.
Mikela: “Këtë dhunën është hera e dytë që e përmend, ndërsa herën e tretë do të përgjigjem shumë keq. Kështu që të sugjeroj të mos e përmendësh”.
Armaldo: “Fjala dhunë këtu nuk duhet diskutuar”.
Luizi: “Është dhunë diplomatike”.
Mikela: “Nuk ka asnjë kontekst të mirë të fjalës dhunë”.
Pjesë e debatit u bë dhe këngëtari Armaldo Kllogjeri, i cili mbajti anën e Mikelës në lidhje me kontekstin e fjalës dhunë. Vetëm nata e parë dhe në fakt banorët duken të gatshëm për të mos lëshuar pe.
Discussion about this post