Në podcast-in e tij “Flasim”, Kryeministri Edi Rama kishte të ftuar historianin britanik Timothy Garton Ash. Si Rama ashtu edhe Ash njihen si miq të ish-kryeministrit britanik, i cili për vite me rradhë ka shërbyer edhe si këshillues i kryeministrit shqiptar.
Por në emisionin e sotëm, historian britanik ka përmendur vetëm një gabim të Blair dhe pikërisht politikën që ai ndoqi për hapjen. Duket se kjo nuk i ka pëlqyer Edi Ramës, të paktën përsa u shpreh, duke i kërkuar të ftuarit që të mos i përmendte gabimet e mikut të tij.
“Mendoj që një nga gabimet që bëri Toni Blair, të cilin e admiroj për shumë gjëra – e tija ishte një periudhë e mrekullueshme e historisë britanike – gabimi që bëri ishte të besonte se ishte e mundur që të kishte vetëm hapje, hapje, hapje; hapje të shoqërisë, hapje të financave, hapje të ekonomisë, hapje të emigracionit pa pasur asnjë reagim! Sepse në fakt pati një reagim.
Dhe slogani i përkrahësve të Brexit-it, që iu dha fitoren – meqë ra fjala, vetëm 52 për qind me 48 për qind, mos harro, nuk ishte aspak e pashmangshme – ishte “Rimerr kontrollin”. Ajo çfarë ndodh tani në Gjermani është që udhëheqësit gjermanë po flasin për “kontrolverlust” (humbjen e kontrollit).
Pra, mendoj se të gjitha shoqëritë tona kanë nevojë për atë ndjesinë që gjërat janë nën kontroll, që imigracioni po menaxhohet. Pra, mendoj se ky ishte një gabim i viteve të Blair-it, që e paguam shtrenjtë. Por fakti që tani po përpiqemi ta vëmë nën kontroll, si të gjitha vendet e tjera europiane, nuk do të thotë se është fundi i larmisë sonë kulturore, është përtej saj”, tha historiani.
“Mos e prek Tony Blair-in në praninë time. Thjesht, mos e prek”, u shpreh kryeministri.
Më tej Timothy Garton Ash është shprehur se ai e kishte mik Tony Blair.
“Shiko, unë e kam mik Tony Blair-in. Ai është i rritur mjaftueshëm, për të pranuar gabimet e tij”, u shpreh historiani .
Discussion about this post