Ish-kryebashkiaku i Lezhës, Fran Frrokaj, ka lënë sot qelinë e burgut të Reçit në Shkodër, pasi përfitoi nga amnistia penale.
Në një prononcim të shkurtër për mediat jashtë ambienteve të burgut ai tha se ishte një eksperience që uroj mos ta provoj askush”
“Përshëndetje për të gjithë. Shëndet dhe mbarësi për familjet e tyre. Uroj të mos ta provojë askush”, ishte mesazhi i Frrokajt pas daljes nga burgu.
Frrokaj u dënua në muajin tetor të vitit 2022 me 3 vite burg për veprën penale shpërdorim detyre, për tjetërsim pronash tek “Rana e Hedhun” në Shëngjin.
Kujtojmë që nga ky ligj përfitojnë 1100 të dënuar me burgim, nga të cilët 780 do të lirohen menjëherë, ndërsa 400 të tjerë përfitojnë ulje dënimi. Po ashtu, nga amnistia përfitojnë edhe 2 700 persona në shërbim prove.
Discussion about this post