Drejtuesja politike e PD-së për Diasporën në një deklaratë për mediat është shprehur se ka një presion nga ana e PS, e cila përmes administratës ushtron presion mbi zgjedhësit jashtë vendit duke u kërkuar që të fotografojnë votën dhe duke i “kërcënuar” ata me vendin e punës së familjarëve të tyre
Por sipas saj diaspora e ka të qartë që në datën 11 maj do të votojë numrin 1.
“Thirrje çdo shqiptari që të mos pranojë të bëjë me video apo fotografojnë votën që i kërkohet përmes presonit që i bëhet familjarëve të tyre në administratë. Edhe në raportin e OSBE përmendej përdorimi i administratës, i parave edhe nga pushteti lokal edhe për të çuar autobusë, pra nuk ka dyshim që para tjetër po përdor mjete të dënueshme.
Por pavarësisht kësaj, mesa duket diaspora dhe shqiptarët e kanë në ndërgjegje të qartë se çfarë do të bëjnë dhe që do të votojnë numrin 1”, tha ajo.
Topalli, i ka bërë thirrje Komisionit Qendror të Zgjedhjeve t’i kërkojë postën DHL që të përmbushë detyrimet ligjore dhe logjistike me zarfet, në mënyrë që votuesit jashtë Shqipërisë të kenë mundësi të shprehin vullnetin e tyre.
Thyerja e afateve të vendosura me ligj, tha Topalli, është cenim i votës së diasporës dhe integritetit të zgjedhjeve.
“I bëjmë thirrje KQZ-së që t’i kërkojnë DHL-së që të përmbushin detyrimet e tyre ligjore dhe logjistike. Thyerja e afateve dhe standardeve të vendosura në ligj, është cenim i rëndë i votës së shqiptarëve që jetojnë jashtë kufijve të Shqipërisë. Në këtë mënyrë do të cenonte tërësisht integritetin e këtyre zgjedhjeve.
Discussion about this post