Në qytetin e Lezhës është zhvilluar protesta e parë kundër marrëveshjes së kryeministrave Edi Rama dhe Giorgia Meloni, që parashikon ngritjen e një kampi refugjatësh në zonën e Shëngjinit, që do të shëbejë për strehimin e mijëra emigrantëve afrikanë, që do të kapen nga autoritetet italiane në ujrat e tyre territoriale.
Dhjetëra qytetarë marshuan në rrugët e qytetit dhe kërkuan që edhe të tjerë t’u bashkohen për të mos lejuar kthimin e Shëngjinit në kamp refugjatësh.
Në pankartat që binin në sy në këtë protestë shkruhej “Mos e kthe Lezhën në Lampeduza”, “Musafirin e zgjedh unë dhe jo Edi Rama”, apo “Mos ma sill Afrikën, më sill Europën”.
Ish-kryetari i Komunës, Salvador Kacaj tha përpara të pranishmëve se Rama sjell emigrantët në Lezhë, pasi sipas tij ai e urren veriun.
“Gjergj Kastrioti e zgjodhi Lezhën për “besëlidhje” ndërsa Rama zgjedh Lezhën për të sjellë emigrantët, që nuk duan as të vijnë në Shqipëri,” u shpreh Kaçaj.
Discussion about this post