Në Komisioni Hetimor për Inceneratorët kanë nisur debatet e forta mes kryeministrit Edi Rama dhe kryetares së Komisionit Jorida Tabaku.
Në cilësinë e dëshmitarit, Rama është pyetur nga Tabaku nëse ka dijeni që impiantet për menaxhimin e mbetjeve janë financuar me paratë e shqiptarëve, por ai ka insistuar që pyetja të bëhet për “buxhetin e shtetit”.
Debati:
Rama: Jo, jam te buxheti.
Tabaku: Të lutem, kjo propaganda, gropa me plehra.
Rama: Zonjë, më lini të flas.
Tabaku: E kuptoni pyetjen?
Rama: Nuk e kuptova, por e ndjej.
Tabaku: Lëri batuat e ironitë për jashtë. A jeni në dijeni se plehrat janë financuar me buxhetin e shtetit, meqë e doni kështu?
Rama: Jo e dua unë, por kështu duhet, se e dua shumë gjuhën shqipe.
Tabaku: Mos na trego çdo lloj gjëje.
Rama: O zonjë, s’po ju tregoj çdo lloj gjëje.
Tabaku: Mos na ngrij zërin.
Rama: S’po ngre zërin, por ju keni frikë.
Tabaku: Keni ju frikë nga ligji, se keni një ish-ministër në burg.
Rama: Mos më ndërprisni.
Mes të tjerash Rama është pyetur edhe për akuzën që është ngritur shpesh herë nga opozita se janë kaluar 17 procedura të ndryshme brenda një dite. Sipas Ramës, Tabaku nuk e di se si funksionon makineria shtetërore, ndërsa është shprehur se qeveria nuk mban përgjegjësi për veprime individuale.
Discussion about this post