Një ngjarje tronditëse ka ndodhur ditën e sotme në Selanik të Greqisë.
Sipas raportimeve, një person ka vrarë gruan e tij pas një sherri në banesë. Mediat e vendit helen shkruajnë se autori, ishte një person i varur nga alkooli, nervoz dhe shumë i dhunshëm.
Një fqinj i çiftit i tha policisë se ata u zunë për të paktën gjysmë ore ndërsa ajo u dëgjua duke u lutur “mos më vrit”. Disa minuta më vonë fqinji e dëgjoi atë duke rënkuar.
Policia ka nisur kërkimet për të bërë të mundur arrestimin e autorit. Ky i fundit pas krimit të rëndë është larguar nga banesa, me duart ende me gjak.
