Përveç debateve për ligjet apo vendimet e mara në Komisionin e Veprimtarisë Prodhuese ka edhe debate të llojit “mos mu drejto me ti”. Një diskutim i tillë për të folur njëjës apo shumës ka nisur sot me ministres se Turizmit, Mirela Kumbaro, dhe deputeti demokrat Xhelal Mziu.
Debati nisi në momentin që ministrja mori si shembull konkret Kamzën sa i përket ndërtimit të kanaleve. Ndërsa Mziu është revoltuar nga ky shembull dhe ka ndërhyrë duke u drejtuar në numrin njëjës kundrejt ministres, gjë që nuk i ka pëlqyer kësaj të fundit e cila i ka kërkuar që t’i drejtohej në numrin shumës.
“Zoti Mziu, ka mundësi të mos më ndërprisni, unë nuk fola për ju, nuk po flas për ju. Po flas për impiantet, a ka mundësi të mos më ndërprisni dhe mua mos më flisni me ti, se nuk njihemi aq, me ju, duket vetja kolegia juaj. Unë ju flas me ju, dhe ju mos përdorni referenca të gabuara. Përsa kohë nuk më flisni me ju nuk u kthej përgjigje. Trajtimi i ujërave të ndotura është mbarë kombëtar” tha ministrja. Ndërsa, nga ana e tij Mziu i tha se nuk është koha dhe momenti për të bërë debate të tilla, kur në komision po shqyrtohen çështje shumë më të rëndësishme.
Discussion about this post