Ish-ministri dhe deputeti i PD, Tritan Shehu ka reaguar pas artikullit të DASH lidhur me sigurinë në Lazarat, ku paralajmëronte qytetarët amerikanë të bënin kujdes nëse shkonin atje pasi policia nuk i ndihmon dot.
Shehu shkruan në Facebook se ka mbetur i habitur nga paralajmërimi i DASH, dhe se shpreson që ky të jetë lapsus absurd apo hakerim provokativ.
Ndër të tjera, Shehu i fton që të shkojnë bashkë në Lazarat për të vizituar fshatin e takuar banorët, pasi siç shprehet ai, komuniteti lazaratas është bartës i vlerave demokratike dhe miqësisë së thellë me SHBA.
Statusi:
Po lexoj thellesisht i habitur ne media dhe Web Site e Ambasades se ShBA nje lajm per Lazaratin, ku ai cilesohet si nje zone krimi, e pa sigurte edhe per policine, per shkak te kanabisit.
Kam mbetur “pa fjale” nga ky publikim, qe shpresoj te jete nje lapsus absurd ose ndoshta dhe nje hakerrim provokativ.
Si perfaqesues i atij komuniteti fisnik, puntor e te ndershem, dhe i te gjithe Qarkut te Gjirokastres, desheroj te garantoj cilindo per situaten tejet normale, jashte cdo perfshirje ne krim, te atij fshati ku askush nuk mund te gjeje qofte dhe nje rrenje kanabis.
E bej kete duke e ftuar cdo njerin qe desheron te shkojme se bashku, te vizitojme, te bisedojme me banoret aty dhe pse jo te marrim edhe nje kafe.
Ai komunitet, i persekutuar rende gjate komunizmit, i lene krejt ne harrese e persekutim nga rregjimi i Rames, eshte bartes i vlerave e idealeve demokratike, Europiane dhe te miqesise se thelle me ShBA.
Ky eshte realiterti aty qe nuk mund te tjetersohet as nga keq informimet dashakeqese te Qeverise sone e instrumentave te saj, si pasoje e nje urrejtje patologjike, pikerisht per shpirtin demokrat te lazaratasve.
