Një numër i madh studentësh dhe jo vetëm kanë dalë pasditen e sotme në protestë pranë sheshit Nënë Tereza, ku shprehen kundër vaksinimit të detyrueshëm. Udhëheqësi i kësaj proteste, avokati Altin Goxhaj, tha në një deklaratë për mediat se, kjo protestë është kundër vaksinimit të studentëve me detyrim, pasi iu cenohen të liritë.
Ndër të tjera ai se, vetë OBSH ka pranuar që edhe të vaksinuarit mund të infektojnë, prandaj qeveria nuk ka pse penalizon vetëm të pa vaksinuarit, kontrolli duhet të bëhet vazhdimisht dhe jo të kërkojnë vaksinim me detyrim. Sakaq, ai paralajmëroi se protestat do të vijojnë çdo të shtunë edhe më të përshkallëzuara.
“Ky formular vlen për t’i kujtuar institucioneve sepse qeveria s’ka punë si e përballoj unë virusin. Ky informacion është i paligjshëm dhe prek privatësinë e qytetarëve. E fundit ka të bëjë me diskriminimin: Pse mua qeveria për tu futur në auditor më kërkon të dëshmoj për rezultatet e tamponit kurse të vaksinuarit nuk i kërkon? Edhe OBSH e ka thënë që të vaksinuarit mund të përhapin Covid njësoj si të pavaksinuarit. Mos u dorëzoni kurrë, ditën e shtunë në orën 18:00 do të mblidhemi sërish kundër vaksinimit të detyrueshëm”, thotë Goxhaj.
Fillimisht protesta nisi në sheshin “Nënë Tereza” më pas protestuesit u zhvendosën përballë kryeministrisë. Protesta e katërt e organizuar nga aktivistë të shoqërisë civile ka zgjatur rreth 60 minuta.
