Para selisë blu ku është instaloi memorialin me firmëtarët themelues të dhjetorit 1990, kreu i PD, Lulzim Basha pati një mesazh dhe për demokratët lidhur me Kuvendin që po mbahet nga ish-kryeministri Sali Berisha në stadiumin “Air Albania”.
Basha i bëri thirrje demokratëve të mos turbullohen nga e shkuara, referuar këtu ish-kryeminstrit Berisha, duke thënë se kulti i individit nuk mund të ngrihet më.
“Ne do të vendosim fatin e Shqipërisë Europiane. Por ne nuk mund të injorojmë, pasi përndryshe prapë do të gabojmë, atë që po ndodh me një pjesë të familjes sonë, ndaj dua t’u drejtohem demokratëve të zhgënjyer, mërzitur dhe dëshpëruar dhe tu them e njoh dhe e kam prekur dëshpërimin tuaj kur jemi takuar dhe më keni votëbesuar në prirjen në betejën për të përmbysur një qeveri që nuk ka lidhje me votën e lirë. Një betejë frontale sa vetë kauza e vetë shqiptarëve për ndryshim. Interesat e demokratëve janë më të shenja se çdo gjë dhe çdokush tjetër. Hijet e së kaluarës nuk duhet t’u turbullojë, kulti i individit nuk mund dhe nuk duhet të ngrihet më. Jam në mesin tuaj, detyra ime është, jo që përmes manipulimit, skemave dhe intrigave apo mendësisë së shkuar që mban peng vendin” tha Basha.
Nga ana tjetër, në stadiumin “Air Albania” po votohet për ndryshimin e statutit dhe shkarkimin e Lulzim Bashës nga kreu i PD.
Discussion about this post